హైదరాబాద్తో పాటు మెదక్, సంగారెడ్డి, వికారాబాద్ జిల్లాల్లోనూ ఈ రాత్రి వర్షాల అవకాశం
హైదరాబాద్, జూలై 2:
హైదరాబాద్ నగరంతో పాటు మెదక్, సంగారెడ్డి, వికారాబాద్ జిల్లాల ప్రజలు కూడా ఈ రాత్రి వర్షాలకు సిద్ధంగా ఉండాలని వాతావరణ నిపుణులు సూచించారు.
రాత్రి 8 గంటల తర్వాత హైదరాబాద్ ఉత్తర, పశ్చిమ, తూర్పు ప్రాంతాల్లో సుమారు 20 నిమిషాల పాటు మోస్తరు వర్షం కురిసే అవకాశం ఉందని తెలిపారు. మొదటగా సెర్లింగంపల్లి, పటాన్చెరు, ఆర్సీ పురం, తెల్లాపూర్ ప్రాంతాల్లో వర్షం ప్రారంభమై, అనంతరం నగరంలోని ఇతర ప్రాంతాలకు విస్తరించే అవకాశం ఉంది.
అదే సమయంలో మెదక్, సంగారెడ్డి, వికారాబాద్ జిల్లాల్లోని పలు ప్రాంతాల్లో కూడా ఉరుములు, మెరుపులతో కూడిన మోస్తరు జల్లులు కురిసే అవకాశం ఉందని వాతావరణ నిపుణులు అంచనా వేస్తున్నారు.
వర్షాల నేపథ్యంలో ప్రజలు అవసరమైన జాగ్రత్తలు తీసుకోవాలని, ప్రయాణాలను ముందుగానే ప్రణాళిక చేసుకోవాలని సూచిస్తున్నారు. కొన్ని ప్రాంతాల్లో తాత్కాలికంగా ట్రాఫిక్కు అంతరాయం కలిగే అవకాశం ఉంది. ☔🌧️
కామెంట్ను పోస్ట్ చేయండి