🏥 మెదక్ ప్రభుత్వ మెడికల్ కాలేజీలో భారీగా ఉద్యోగాల భర్తీ.. 184 పోస్టులకు దరఖాస్తుల ఆహ్వానం

 

మెదక్ ప్రభుత్వ మెడికల్ కాలేజీలో 184 ఉద్యోగాలకు దరఖాస్తుల ఆహ్వానం

ప్రొఫెసర్లు, అసోసియేట్ ప్రొఫెసర్లు, సీనియర్ రెసిడెంట్లతో పాటు 156 ఔట్సోర్సింగ్ పోస్టులు

మెదక్, ఆగస్టు 12: మెదక్ ప్రభుత్వ మెడికల్ కాలేజీలో కాంట్రాక్టు, ఔట్సోర్సింగ్ విధానంలో ఉద్యోగాల భర్తీకి దరఖాస్తులను ఆహ్వానిస్తున్నట్లు కళాశాల ప్రిన్సిపల్ నితిన్ కాబ్ర తెలిపారు. కాంట్రాక్టు విధానంలో 4 ప్రొఫెసర్లు, 5 అసోసియేట్ ప్రొఫెసర్లు, 6 సీనియర్ రెసిడెంట్లు, 3 ట్యూటర్ పోస్టులకు అర్హులైన అభ్యర్థుల నుంచి దరఖాస్తులు కోరుతున్నట్లు వెల్లడించారు.

ఈ పోస్టులకు సంబంధించిన దరఖాస్తులను ఆగస్టు 12 నుంచి 14వ తేదీ మధ్యాహ్నం 3 గంటల వరకు మెదక్ ప్రభుత్వ మెడికల్ కాలేజీలో స్వీకరించనున్నట్లు తెలిపారు.

అదేవిధంగా మెడికల్ కాలేజీలో పూర్తిగా తాత్కాలిక ప్రాతిపదికన ఔట్సోర్సింగ్ విధానంలో వివిధ కేటగిరీలకు చెందిన 156 పోస్టులను భర్తీ చేయనున్నట్లు ప్రిన్సిపల్ పేర్కొన్నారు.

ఔట్సోర్సింగ్ పోస్టుల వివరాలు

• అనస్థీషియా టెక్నీషియన్ – 8
• ఆడియోమెట్రిక్ టెక్నీషియన్ – 1
• ఆడియో విజువల్ టెక్నీషియన్ – 1
• బార్బర్ – 6
• బ్లడ్ బ్యాంక్ టెక్నీషియన్ – 3
• కార్పెంటర్ – 1
• క్యాటలాగర్ – 1
• చైల్డ్ సైకాలజిస్ట్ – 1
• సిటీ టెక్నీషియన్ – 4
• డేటా ఎంట్రీ ఆపరేటర్ – 37
• డెంటల్ టెక్నీషియన్ – 1
• దోబీ/ప్యాకర్ – 6
• ఈసీజీ టెక్నీషియన్ – 4
• ఎలక్ట్రీషియన్ – 6
• గ్యాస్ ఆపరేటర్ – 4
• ల్యాబ్ అటెండర్ – 19
• మ్యూజియం అసిస్టెంట్ కం ఆర్టిస్ట్ – 1
• ఆఫీస్ సబార్డినేట్ – 24
• ప్లంబర్ – 2
• సైకియాట్రిక్ సోషల్ వర్కర్ – 1
• రేడియోగ్రాఫిక్ టెక్నీషియన్ – 7
• రేడియాలజీ టెక్నీషియన్ – 1
• రికార్డు క్లర్క్/రికార్డు అసిస్టెంట్ – 2
• రిఫ్రాక్షన్ ఆప్టిషియన్ – 1
• స్పీచ్ థెరపీ – 1
• టైలర్ – 1
• థియేటర్ అసిస్టెంట్ – 2
• ఓటీ టెక్నీషియన్ (అనస్థీషియా) – 10

ఔట్సోర్సింగ్ పోస్టులకు సంబంధించిన దరఖాస్తులను ఆగస్టు 13వ తేదీ ఉదయం 11 గంటల నుంచి ఆగస్టు 20వ తేదీ మధ్యాహ్నం 3 గంటల వరకు మెదక్ ప్రభుత్వ మెడికల్ కాలేజీలో స్వీకరించనున్నట్లు తెలిపారు.

అర్హతలు, విద్యార్హతలు, దరఖాస్తు ఫారం, ఇతర మార్గదర్శకాల కోసం www.gmcmedak.org వెబ్‌సైట్‌ను సందర్శించాలని ప్రిన్సిపల్ నితిన్ కాబ్ర బుధవారం విడుదల చేసిన ప్రకటనలో సూచించారు.

— తెలుగు ట్రెండ్స్ | మెదక్