వరల్డ్ స్కౌట్ స్కార్ఫ్ డే ఘనంగా నిర్వహించిన పీఎం జడ్పీ ఉన్నత పాఠశాల
స్కౌట్స్ ప్రతిజ్ఞతో సేవాభావం.. మొక్కల నాటితో పర్యావరణ పరిరక్షణకు శ్రీకారం
తెలుగు ట్రెండ్స్ | వెల్దుర్తి | ఆగస్టు 1:
వరల్డ్ స్కౌట్ స్కార్ఫ్ డే సందర్భంగా వెల్దుర్తి మండల కేంద్రంలోని పీఎం జిల్లా పరిషత్ ఉన్నత పాఠశాలలో శనివారం భారత స్కౌట్స్ అండ్ గైడ్స్ ఆధ్వర్యంలో స్కార్ఫ్ డే వేడుకలను ఘనంగా నిర్వహించారు.
కార్యక్రమానికి పాఠశాల ప్రధానోపాధ్యాయుడు సాంబయ్య ముఖ్య అతిథిగా హాజరయ్యారు. స్కౌట్స్ మాస్టర్ కదీర్ భాష, గైడ్ టీచర్ అర్చన విద్యార్థులకు స్కౌట్ స్కార్ఫ్‌లను ధరింపజేశారు. అనంతరం స్కౌట్ స్కార్ఫ్ ప్రాముఖ్యతను వివరిస్తూ, అది క్రమశిక్షణ, సేవాభావం, దేశభక్తి, నాయకత్వ లక్షణాలు, ఐక్యత, బాధ్యతకు ప్రతీక అని తెలిపారు.
విద్యార్థులు స్కౌట్స్ అండ్ గైడ్స్ ప్రతిజ్ఞను పునరుద్ఘాటిస్తూ సమాజ సేవలో ముందుండి ఆదర్శ పౌరులుగా ఎదగాలని సంకల్పించారు.
అనంతరం పాఠశాల ఆవరణలో పర్యావరణ పరిరక్షణలో భాగంగా మొక్కలు నాటారు. ఈ సందర్భంగా ప్రధానోపాధ్యాయుడు సాంబయ్య మాట్లాడుతూ ప్రతి విద్యార్థి కనీసం ఒక మొక్కను నాటి, దానిని సంరక్షించే బాధ్యత తీసుకోవాలని సూచించారు. పర్యావరణ సమతుల్యతను కాపాడడంలో మొక్కల పెంపకం కీలకమని అన్నారు.
ఈ కార్యక్రమంలో ఉపాధ్యాయులు నర్సింహారెడ్డి, అర్చన, కదీర్ భాష, విజయ్, మోహన్‌రాజ్, చార్లెస్, అమూల్య, జయసుధ, వానేశ్రీ, వేణుకాదేవి, ప్రశాంతి, రాములు, రాధికాతో పాటు విద్యార్థులు పాల్గొన్నారు. విద్యార్థులతో కలిసి పాఠశాల ఆవరణలో వివిధ రకాల మొక్కలను నాటి, వాటి సంరక్షణపై అవగాహన కల్పించారు.
స్కౌట్ స్కార్ఫ్ డే వేడుకలు, మొక్కల నాటే కార్యక్రమం ద్వారా విద్యార్థుల్లో సేవాభావం, క్రమశిక్షణ, పర్యావరణ పరిరక్షణపై చైతన్యం పెంపొందిందని ఉపాధ్యాయులు తెలిపారు.
