: అమెరికా సుప్రీంకోర్టులో ట్రంప్‌కు షాక్.. జన్మహక్కు పౌరసత్వం యథాతథం

 

అమెరికా సుప్రీంకోర్టులో ట్రంప్‌కు ఎదురుదెబ్బ.. జన్మహక్కు పౌరసత్వం కొనసాగింపు

వాషింగ్టన్: అమెరికాలో జన్మించిన ప్రతి శిశువుకు పౌరసత్వం కల్పించే జన్మహక్కు పౌరసత్వం

(Birthright Citizenship) విధానం కొనసాగుతుందని అమెరికా సుప్రీంకోర్టు స్పష్టం చేసింది. జన్మహక్కు పౌరసత్వంపై పరిమితులు విధించాలన్న అధ్యక్షుడు డొనాల్డ్ ట్రంప్ ప్రతిపాదనకు కోర్టు అడ్డుకట్ట వేసింది.

అమెరికా రాజ్యాంగంలోని 14వ సవరణ ప్రకారం అమెరికా భూభాగంలో జన్మించిన ప్రతి వ్యక్తికి పౌరసత్వం లభిస్తుందని సుప్రీంకోర్టు పేర్కొంది. తల్లిదండ్రుల వలస హోదా ఆధారంగా ఈ హక్కును పరిమితం చేయడం రాజ్యాంగ స్ఫూర్తికి విరుద్ధమని న్యాయవర్గాలు అభిప్రాయపడుతున్నాయి.

ఈ తీర్పు ట్రంప్ వలస విధానాలకు గట్టి ఎదురుదెబ్బగా రాజకీయ విశ్లేషకులు పేర్కొంటున్నారు. అమెరికాలో వలస చట్టాలు, పౌరసత్వ హక్కులపై ఈ నిర్ణయం కీలక ప్రభావం చూపనుందని భావిస్తున్నారు. దీంతో జన్మహక్కు పౌరసత్వంపై కొనసాగుతున్న న్యాయపోరాటంలో సుప్రీంకోర్టు తాజా తీర్పు కీలక మలుపుగా నిలిచింది.        తెలుగు ట్రెండ్స్