బోరు మోటర్ల కేబుల్ వైర్లు, ట్రాన్స్ఫార్మర్ల చోరీ కేసులో నిందితుల అరెస్ట్
కొల్చారం, ఆగస్టు 18 (తెలుగు ట్రెండ్స్):
కొల్చారం మండల పరిధిలో గత నెల రోజులుగా బోరు మోటర్ల కేబుల్ వైర్లు, విద్యుత్ ట్రాన్స్ఫార్మర్లను చోరీ చేస్తున్న నిందితులను కొల్చారం పోలీసులు చాకచక్యంగా పట్టుకున్నారు. నిందితులను అదుపులోకి తీసుకుని విచారించగా, తాము చేసిన చోరీలను అంగీకరించినట్లు పోలీసులు తెలిపారు.
పోలీసుల విచారణలో కొల్చారం మండలంతో పాటు పాపన్నపేట, కౌడిపల్లి మండలాల్లోనూ బోరు మోటర్ల కేబుల్ వైర్లు, ట్రాన్స్ఫార్మర్లను చోరీ చేసినట్లు నిందితులు వెల్లడించినట్లు పోలీసులు తెలిపారు.
వివిధ ప్రాంతాల్లో వరుసగా జరుగుతున్న చోరీలపై దృష్టి సారించిన కొల్చారం పోలీసులు ప్రత్యేకంగా దర్యాప్తు చేపట్టి నిందితులను గుర్తించి అదుపులోకి తీసుకున్నారు. అనంతరం నిందితులను రిమాండ్ నిమిత్తం మెదక్ కోర్టు మెజిస్ట్రేట్ ఎదుట హాజరుపరిచినట్లు పోలీసులు తెలిపారు.
ఈ కేసులో మరిన్ని వివరాలు, చోరీకి గురైన విద్యుత్ పరికరాల స్వాధీనం తదితర అంశాలపై పోలీసులు దర్యాప్తు కొనసాగిస్తున్నారు.
తెలుగు ట్రెండ్స్ – కొల్చారం
إرسال تعليق